Mitabang ang Department of Trade and Industry sa mga market vendors kinsa mga kanhi biktima sa sunog niadtong milabayng tuig 2021 pinaagi sa Livelihood Seeding Program nga mao ang Negosyo Serbisyo sa Barangay (NSB) ug Pangkabuhayan para sa Pagbangon at Ginhawa (PPG).
Midawat ang mga benepisyaryo og starter kits nga mukantidad sa 8,000 ka pesos nga mga grocery items.
Ang maong kalihukan ang gipasiugdahan ni Ms. Famelah Racquel D. Villanueva ang OIC-Provincial Director sa DTI Bukidnon diin nga iya usab nga gibutyag nga lauman matud pa sa mga benepisyaryo ang dugang pa nga muabot nga mga tabang human nga nakig koordinar na sab sila sa City Economic and Enterprise Development Office.
Gidasig usab niya ang mga benepisyaryo, nga magpahimulos usab sa uban pang mga programa sa gobyerno sama sa mga seminars ug training kini aron nga makaangkon silag kahibalo ug kahanas sa pagdumala ug pagpalambo sa ilang mga gisugdan na nga negosyo pinaagi sa maong programa.
Facebook Comments
