SYUDAD sang Iloilo – Kinahanglan pa sang mga barangay officials ang magkonsulta sa anti-squation and illegal structure ukon ASIS division sa pagkakas sang mga illegal structures.
Suno kay liga ng mga barangay President Maria Irene Ong, may mga illegal structures ilabi na ang mga sementado nga nagaclaim nga ang ila building nagatindog sa ila property.
Paathag ni Ong kinahanglan nila ang bulig sang ASIS division agud magtumod kun ano ang mga illegal structures sa ila nasakupan.
Lakip man nila nga ginatun-an ang mga illegal parking bangud may mga dalan sa syudad nga ginapahanugotan ang parking.
Sa Oplan Hawan One Time Big Time clearing operations sang syudad may mga kapitan nga nag hingyo nga hatagan sila sang plaso sa pagdemolish sang illegal structures sa ila barangay. //via Joel Franco reports
