I-patawag sa maabot nga huwebes sang syudad sang Bacolod ang tanan nga mga punong barangay angot sa memorandum circular nga ginpa-gwa sang DILG.
Nag-issue sang memorandum circular si DILG Secretary Eduardo Año sa tanan nga LGUs kag local sanggunians angot man sa mandu ni President Duterte sa iya nga SONA nga dapat e-reclaim sang gobierno ang tanan nga dalan nga ginagamit na pribado kag iban ang makabig na nga obstruction.
Bangud sini, nagpa-gwa man sang direktiba si Bacolod Mayor Bing Leonardia kag iya ipatawag ang mga kapitan sa huwebes (August 1) agud istoryahan ang amo nga issue.
Lakip sa memo sang DILG, “Within 60 calendar days, significant results must be achieved, documented and reported together with the efforts of the LGUs to sustain the same”.
Gina-remind man ang DILG nga responsibilidad sang mga local chief executives ang pagpasiguro nga naga-sunod sa nasambit nga direktiba ang tanan nga local employees lakip na diri ang mga punong barangay.
