Mga kasundaluhan sa 1st Infantry ‘Tabak” Division nipakita sa ilang talento

17

Labangan, Zamboanga del Sur – Break una sa giyera ang mga tropa sa kasundaluhan sa 1st Infantry Tabak Division, Philippine Army ug nipakita sa ilang mga nagkadaiyang talento sa gipahigayong Talent Night niadtong nakalabay nga gabii sa Camp Sang-an, Labangan, Zamboanga del Sur.

Gitambungan ang maong aktibidad ni Governor-Elect Victor Yu isip usa sa mga pinasindungang bisita diin mainitong kini nga giabi-abi ni Tabak Commander Major General Roberto Ancan Jr..


Ang maong aktibidad usa sa mga highlight sa ilang pag-saulog sa ika-83rd Founding Anniversary.

Diin di kalibri nga mga talento ang ilang gi-presenta sa intablado atubangan sa mga inila nga mga judges.

Duha ka semana matod pa nga gipangandaman sa mga sundalo ang ilang gipakitang talento nga naka palipay sa judges ug audience nga ila ra usab nga ka tropa ug kapamilya.
Interpretative dance, ethnic dance, singing dou ug hiphop dance ang gi-perform nga soot ang galante ug talagsaon nga props.

Niadtong nilabay nga adlaw nagpahigayon usab sila ug color fun run nga gi-apilan sa tanang sektor sa kumunidad nga sakop sa Zamboanga del Sur ug Area of Responsibility sa 1st Division.

Ang 1st Infantry Division 83 na katuig nga nag-protehir ug nag-ugmad sa Kalinaw ug dinhi usab nga division nagikan ang mga tropa nga gipadala sa Zamboanga ug Marawi Siege nga maoy nakapulpog sa mga Maute/ISIS group ug uban pang walhong grupo.
PHOTO COURTESY TO JESREL HIMANG

Facebook Comments

From Advertisers