Tungod sa mga aftershocks nangita sang iban nga area ang mga katapo sang Sangguniang Panlalawigan para sa pagpatigayon sang ila nga regular session kahapon nga adlaw matapos nga ginmotion sang pipila ka board member kag ginpaboran man sang majority.
Ginkumpirmar ni South Cotabato Vice Governor Vicenti de Jesus nga sang nagluntad nga 6.3 magnitude nga linog nakitaan na sang litik ang pipila ka parte sang Sangguniang Panlalawigan office kag session hall kag nadugangan pa sang intensity 5 nga linog sang Oktubre 20 sang hapon nga ang sentro dire sa syudad sang Koronadal.
Matapos nga mismo si South Cotabato Governor Reynaldo Tamayo Jr. ang nagsuhestyon nga mangita sang iban nga area nga patigayunan sang regular session ang mga katapo sang Sangguniang Panlalawigan kahapon nga adlaw tungod sa nabatyagan sa gihapon nga pag-uyog kag may nakit-an nga litik sa ila nga area.
Samtang suno kay Vice Governor De Jesus magarequest siya sa liwat nga inspection sang Sangguniang Panlalawigan Office nga naghamtang sa third floor sang finance building.
