MGA KINDERGARTEN NA ESTUDYANTE SA CANLANIPA ELEM. SCHOOL SA BRGY. CANLANIPA, SURIGAO CITY NAKADAWAT NAN MGA TSINELAS GIKAN SA RMN DXRS SURIGAO
Moabot sa 56 kabuok na mga estudyante sa Kindergarten sa Canlanipa Central Elem. School sa Brgy. Canlanipa, Surigao City an nakadawat nan tsinelas gikan sa RMN DXRS Surigao.
Mismo an Station Manager Gay Tiu an notunol sa amo na mga tsinelas ngadto sa mga kabataan. Ini isip sajo na pinaskuhan sa mga estudyante lakip isip isa sa mga aktibidad sa pagsaulog sa National Children’s Month. Kaiban isab didto an kadagkuan sa City PNP pinaagi sa ila ni Police Senior Inspector Junalyn Suan ug Police Senior Inspector Dorothy Tumulak na kon diin nagpakaon isab sa mga kabataan.
An School Principal na si Zozimo Lopez Jr. an nagpaabot nan pasalamat sa pagpili sa ila eskuwelahan isip beneficiary nan RMN DXRS ug sa City PNP. Tag-angkon na kinahanglan gajud nila an dugang tabang sa mga stakeholders labi na kay daghan pa panginahanglan an Canlanipa Central Elem. School gikan sa kakuyangaon sa classrooms, lakip sa pagpakural sa tibook eskuwlehan ug mga educational materials.
