Malaybalay City, Bukidnon – Gipahimangnuan sa Social Security System kon SSS ang mga kompanya nga wala nagremit sa kontribusyon sa ilang mga empleyado.
Sa interview sa RMN ngadto kang SSS Chairman Amado Valdez, gibutyag niini nga aduna pa silay utang nga 1 ka libo sa mga pensyinado sa SSS maong ilang gipahugtan ang koleksyon.
Matud ni Valdez nga gipa-ayo nila ang koleksyon ilabina kadtong mga employer nga wala nag-remit.
Sigun niini nga makalolooy ang mga empleyado nga naglaum nga gi-remit sa ilang mga employer ang ilang kontribusyon apan wala kini gihimo.
Gipahayag usab ni Valdez nga andam niyang ipabilanggo ang mga employer kung dili mo remit sa kontribusyon.
Pinaagi niini mas mutaas ang ilang koleksyon.
Gidugang pa ni Atty. Valdez nga target nilang mahatag ang dugang 1k nga pensiyon sa tuig 2022 apan kung maayo matud pa ang ilang koleksyon ug ma-aprubahan ang 1.50% nga pagtaas sa kontribusyon, posibleng ihatag nila kini sa mas sayo pa.
Dili lang daw 2,000 ang pwedeng itaas sa pensiyon kung mas molig-on pa ang SSS hinoon posibleng mas dako pa.
