General Santos City—aprobado na sa 18th council sa Sanguniang Panglungsod sa Gensan ang giduso ni City Councilor Edmar Yumang nga ipailawom sa drug test ang mga konsehal sa syudad atol sa regular session sa konseho kagahapong adlawa.
Gibutyag ni Councilor Yumang nga mas maayong ipailawom sa drug test ang mga konsehal aron nga matuldukan na ang isyu kalabutan sa gikaingon kalambigitan sa upat ka konsehal sa illegal drug operation sa syudad.
Tumong niini nga mahinluan ang ilang pangalan human mikatag ang impormasyon nga matud pa siya ug silang si City Councilor Atty. Ramon Milleza, Atty. Jeng Gacal ug Atty. Dominador Lagare Jr. apil sa narco-list sa PDEA-12.
Dugang pa sa konsehal nga ang maong mga impormasyon walay kamatuohan ug kini karon ang ilang buot pamatud-an.
Sa karon wala pa masayran kanus-a ipahigayon ang drug test sa mga konsehal gumikan si Gensan City Vice Mayor Sherlyn Nograles maoy magbuot kung kanus-a kini ipahigayon. (Dave Silagan)
(Photo From Web)
