Nagpasidaan ang Department of Trade and Industry kon DTI –Bukidnon ngadto sa publiko nga dili kalimtan sa pagpangayo ug resibo kada adunay paliton.
Sa interview sa RMN Malaybalay ngadto kang Eriberto A. Taban-ud, Jr., Chief, Consumer Protection Division, DTI Bukidnon Provincial Office gibutyag niini nga kinahanglang tipigan sa mga konsumante ang official receipt sa produktong paliton. Matud ni Taban-ud nga kini aron adunay lig-on nga ebidensiya kung adunay reklamo sa presyo.
Sigun niini nga welcome si bisan kinsa nga mureklamo ngadto sa DTI apan kinahanglan usab nga magdala kini sa basehan. Gidugang nini nga bisan ug dili na dad-on ang produktong gipalit mnamahimo kining moreklamo gamit ang OR.
Ang pahinumdom sa DTI aron masanta ang posibleng magpahimulos sa TRAIN Law.
