General Santos City— Managlahi ang reaksyon sa duha ka mga konsehal sa dakbayan kung unsaon ang dul-an usa ka bilyon ka pesos nga jackpot sa 6/58.
Sumala kang Kag Lourdes Casabuena nga mas maayong ihatag nalang ngadto sa mga gikonsiderang poorest of the poor ang maong kantidad o dili ba kaha sa mga hospital.
Gumikan sa pagmahal sa mga palaliton, daghan ang mga nahimong apektado ug mas daghan ang makabenipisyo kung kini ihatag ngadto sa mga labing nangihanglan.
Samtang alang kang Kag Franklin Gacal, kinahanglan nga ipadayon sa PCSO ang lotto draw ug ihatag sa kinsa mang makadaug ang maong kantidad.
Pagpaklaro niini nga dugay na kining gitayaan sa katawhan ug dako na ang giinvest aron sa posibilidad nga makadaug rason nga mamahimong unfair ang PCSO kung kini ang i-donate.
Nagtuo man usab si kagawad Gacal nga dili mamahimong i-donate sa PCSO ang maong kantidad gumikan wala man kini nakalatid sa ilahang IRR nga kung mudako na ang premyo, i-donate nalang kini sa mga nanginahanglan gumikan aduna naman charity nga ginahimo mismo ang PCSO isip tabang sa katawhan.
