Human sa sunod-sunod nga nahitabong linog sa Luzon ug Visayas, giaghat sa Department of Interior and Local Government o DILG Region 10 ang mga local government units nga pahugtan ang pagpangandam panahon sa samang kalamidad.
Matud ni DILG-10 Regional Director Arnel Agabe, kinahanglan ang maong pagpangandam aron dili grabe ang mahimong impact kung dunay linog nga mahitabo dinhi sa rehiyon.
Dugang pahayag ni Agabe nga importanteng i-review ang Earthquake Hazard Map ug andamon nang daan ang Contingency Plan alang sa linog. Giabisohan usab ang mga LGU sa pag-review sa resulta sa Infrastructure Audit aron masayran kung maayo pa ba ang istraktura sa mga establisemento.
Facebook Comments
