Ginahatagan na lang sang tubtob sa Hulyo 31 subong nga tuig sang Department of Education ukon Dep. Ed. 12 ang tanan nga mga local government units sa rehiyon sa paggamit sang mga eskwelahan bilang quarantine facilities para sa mga locally stranded individual kag returning Overseas Filipino Workers tungod gamiton na sang mga manunudlo bilang preparasyon sa pagbukas sang klase.
Suno kay Dep. Ed. 12 Regional Director Dr. Allan Farnazo pipila na lang ka mga eskwelahan ang ginagamit sa subong nga quarantine facilities nga yara na lang sa probinsya sang Saranggani kag North Cotabato.
Ginkumpirmar naman ni RD Farnazo nga may-yara pa sang mga LGU ang nagrequest sa paggamit nga quarantine facilities sa pipila ka eskwelahan sa ila lugar, apang sa national Inter-Agency Task Force na suno pa sila maghingyo base naman sa kamanduan sang Dep. Ed. Secretary.
Ginhatagan punto ni Farnazo nga base sa balaud indi dapat gamiton nga regular nga quarantine facility ukon evacuation center ang eskwelahan.
Samtang sa subong suno pa masako naman ang Department of Public Works and Highways region 12 sa paghimo sang mga quarantine kag isolation facilities para sa COVID-19 patient subong man LSI kag ROF.
