Mga LGU`s sa South Cotabato hugot suno pa nga ginapatuman ang drug free workplace base naman sa ginpaggwa ni Presidente Duterte ang EO 66.

Istrikto sa subong nga ginapatuman ang drug free workplace sa mga local government units dire sa probinsya base naman sa ginpapanaug nga Executive Order no. 66 ni Presidente Rodrigo Duterte kabahin sang Anti-illegal drugs strategy.
Suno kay Atty. Roshelle Sero, Provincial Director sang Department of Interior and Local Government ukon DILG South Cotabato sa subong nakapaggwa naman sang executive order ang mga mayors dire sa probinsya kag indi lang suno pa sa mga eskwelahan ang target nga drug free kundi pati na sa mga government offices.
Samtang ang ginaduso nila suno kay Atty. Sero amo ang pagpasar sang ordinansa sang mga local government unit agud madetalye sa diin ilakip ang pagpaidalom sa drug testing sa mga government officials kag mga empleyado.