MURCIA, NEGROS OCCIDENTAL – Ginpulihan kastigo sang apat ka mga tawo ang isa ka biktima bangud manami ini magkanta sa isa ka party sa banwa sang Murcia, kagab-i.
Nakilala ang biktima nga si Rogelio Polillo, 62 anyos ang edad, isa ka balo kag pumuluyo sang Brgy. Caliban, Murcia.
Suno kay Rogelio nga pasado las 9 kagab-i sa tunga-tunga sang Christmas party sang ila grupo, ini siya ang nagkanta sa videoke kon diin ara man sa amo nga tion ang apat ka mga suspek.
Pahayag sang biktima, nga nangin maayo ang iya performance sa pagkanta bangud manami ang iya tingog, apang nasuya ang apat ka mga suspek gani ginpulihan nila kastigo si Rogelio.
Pilas sa iya ulo kag duha ka kamot ang naangkon sang biktima kag padayon karon ginabulong sa Corazon Locsin Montelibano Memorial Regional Hospital./web photo
