Dismayado ang mga lider sa Simbahang Iglesia Filipina Independiente kon IFI kay wala pay resulta ang imbestigasyon sa Bulua Police station.
Kini aron ilhon ang mga suspects nga nag-vandal sa koral sa ilang simbahan sa Barangay Bulua ug Barangay 12 ning syudad sa Cagayan de Oro niadtong Enero 25.
Matud ni Father Horace Yangyang, Kora Paroko sa IFI church sa Bulua nga sulod sa pipila ka adlaw sa ilang pag-follow-up sa maong kaso, ilang nasayran nga wala pay resulta ang imbestigasyon sa Bulua Police station.
Gusto unta ni Father Yangyang nga mailhan sa mga police investigators, kinsay suspect nga nag-vandal sa koral sa ilang simbahan nga nagdala sa maka-uulaw nga mga pulong.
Sigon sa vandal sa koral sa simbahan sa IFI nagbutyag nga ang mga pari sa IFI Terrorista ug Supporters sa NPA.
Matud ni Yangyang nga ang maong mga pasangil nakahatag kaulaw sa ilang simbahan.
