BACOLOD CITY – Naglab-ot sa lima ka mga lolo kag dose ka mga lola nga wala na sang mga pamilya sa St.Mary’s Home for the Aged Foundation Inc., Barangay Alangilan syudad sang Bacolod ang ginbisitahan kag gindal-an sang pamaskwa sang mga katapo sang DYHB-RMN Bacolod nga gin pangunahan ni Special Project Head Maria Sol Jolito kag RMN Correspondent Grace Supe kaupod naman ang mga dog lovers kag breeders.
Ang grupo nanday Aldrin ‘Sachi Lee’ Magno, Hiro Jay-R Aspero, Carla Mae Samana, John Rey Alegada Tobongbanua ,Sheng Daliva nga isa ka police sang Station 1, Leila kag Jether Fernandez, Welma Opao Jimera kag Valentine Heart ang nagpanguna sa amu nga hilikuton.
Nagpahayag naman sang kalipay ang mga tigulang bangod bisan pa nga wala na sila sang pamilya sa gihapon may mga tawo nga may maayo sang kabubut-on nga nagadumdom sa ila sa tion sang paskwa.
Samtang nagapanawagan naman ang tagdumalahan sang St. Mary’s Home for the Aged nga kun may yara pa sang magahatag sang bulig sa mga tigulang bukas gid ang ila talatapan sa pagbaton kag pagpasalamat sa mga tawo nga may bulawanon sang balatyagon.
