*Cauayan City, Isabela- *Tututukan na ng PNP Cauayan City ang seguridad ng mga mag-aaral ngayong nagsimula na naman ang araw ng pasukan ng mga estudyante.
Sa panayam ng RMN Cauayan City kay Pol. Supt. Nelson Vallejo, ang hepe ng PNP Cauayan City, babantayan na umano nila ang bawat pagpasok at pag-uwi ng mga estudyante mula sa mga paaralan.
Mag-iikot at makikipagkoordinasyon rin umano ang mga kapulisan sa mga Computer shops at bilyaran na huwag hayaang magpapasok ng mga estudyante sa oras ng klase.
Kanila rin umanong tutukang bantayan ang mga kabataan ngayon hinggil sa mga iligal na droga kaya’t nananawagan ngayon si Pol. Supt. Vallejo sa lahat ng mga magulang at guro na kailangan rin umano nilang gabayan ang kanilang mga anak at estudyante upang huwag pumasok sa paggamit o pagtutulak ng mga ipinagbabawal na gamot.
