Giaghat karon sa PhilFida pinaagi ni Ma’am Aida Robas ang mga mag-uuma sa Misamis Oriental sa pagtanum og abaca tungod kay naa nay buyer nga andam mopalit sa ilang abot nga mao si Ma’am Petra Bursian, ang Managing Director sa Newtech Pulp Inc.
Gikuhaan niinig basi ang sa Camiguin diin imbis 40 ngadto 50 pesos lang ang matag kilo sa abaca, misaka kini sa 70 ngadto 80 pesos ang palit sa langyaw nga buyer.
Gipadayag usab nila ang ilang suporta sa mga mag-uuma pinaagi sa pinansyal nga tabang.
Nasayran nga 85 porsyento sa ga supply sa abaca sa tibook kalibutan gikan dinhi sa Pilipinas ug 15 porsyento gikan sa Ecuador.
Makatabang matud pa ang abaca sa pagpabugnaw sa palibot ug makuhaan ang epekto sa climate change.
Dungan sa pagbukas sa tissue culture laboratory sa Sugbongcogon, nanghatag sa usa ka libo nga binhi sa abaca ang PhilFida ug usa ka libo usab gikan sa PAGRO.
