Nagpahimangno ang Department of Agriculture kon DA Region 10 ngadto sa mga mag-uuma kalabot sa fall armyworm kon FAW.
Sa interview sa RMN Malaybalay ngadto kang Dr. Luz Guzman sa Regional Crop Protection Center sa DA-10 gibutyag niini nga ang FAW usa ka klase sa dangan nga mo-atake sa kamaisan.
Ang pahimangno sa DA tungod sa taho nga ilang nadawat gikan sa mga mag-uuma nga gi-atake sa mao nga klase sa ulod ang bag-ong tubo nilang mais ug pwede usab kini moatake bisan sa panahon nga mamuso na ang mais.
Matud ni Dr. Guzman nga unang na-obserbahan ang fall armyworm niadtong Hunyo 2019 sa Cagayan Valley ug namatikdan dinhi sa Northern Mindanao sa bulan sa Setyembre niaging tuig.
Gisiguro usab nila nga aduna na silay gihimo nga lakang sa pagkakaron aron maminusan ang epekto ug damyos ninii sa mga kaumahan.
Sigun niya nga makonsidera kining alarming karon tungod kay aduna nay nag-replant nga mag-uuma sa Bukidnon tungod sa mao nga dangan.
Gipahayag ninii nga nakadawat na sila ug report gikan sa mga mag-uuma sa lungsod sa Kadingilan ug Kitaotao nga apektado sa fall armyworm.
