Nagpahimangno karon ang Department of Agriculture kon DA Region 10, sa mga mag-uuma kalabot sa fall armyworm kon FAW.
Matud ni Dr. Luz Guzman sa Regional Crop Protection Center sa DA-10, nga ang FAW usa ka klase sa dangan nga mo-atake sa kamaisan.
Kini ang pahimangno sa DA human sa report nga ilang nadawat, gikan sa mga mag-uuma nga gi-atake sa maong ulod ang bag-ong tubo nilang mais ug pwede usab kini moatake bisan sa panahon nga mamuso na ang mais.
Dugang pa ni Dr. Guzman, nga unang na-obserbahan ang fall armyworm niadtong Hunyo 2019 sa Cagayan Valley ug namatikdan kini sa Northern Mindanao sa bulan sa Setyembre sa niaging tuig.
Gisiguro usab nilang aduna na silay gihimong lakang sa pagkakaron, aron maminusan ang epekto ug damyos ninii sa mga kaumahan.
