Mga malls sa Surigao City tagbisitahan sa kadagkuan sa BFP…

Mga malls sa Surigao City tagbisitahan sa kadagkuan sa BFP Human nahitabo an dako na sunog kahapon sa isa ka Mall sa Davao City, mihimo sa paglibot-libot ganina an Surigao City Fire Marshall SF04 Alberto Lerio sa mga dagko na establisyemento sa siyudad. Sumaya pa niini, una na tagbisitahan nila an mga Malls na kon diin tag-inspeksiyon kon may exit na kaagihan kon inkaso may sunog, lakip an pahimangno sa tanan na mag-Ignay sa mga posible sinugdanan sa kayajo. Sunod nila na tagbisitahan an City Boulevard labi na kay didto nagbaligya nan lain-laing pabuto ug pyrotechnic materials. Ila tagtino kon tagsunod sa mga namaligya an mga guidelines sa pagbaligya lakip an mga precautionary measures para dili motumaw an sunog. Adton milabay na Disyembre 2014, nasunog an mga tinda na pabuto sa City Boulevard.