Miabot sa 60 ka mga Indigenous People (IP’s) nga mga Tribung Mamanwa didto sa brgy. Budlingin, Alegria, Surigao del Norte ang nagpahigayun ug peace rally kagahapon didto sa brgy. Poblacion, Alegria. Gipangunahan ang demonstrasyon sa mga lumad ni Dakula Mario Labao, bitbit ang mga banners nga nagkanayun “No to CPP-NPA-NDF”, “Stop Lumad Killings”, Stop NPA Recruitment to Lumads”. Gi-organisa ang rally sa mga lumad human brutal nga gipatay si Dakula Guillermo Tiambong, IP Mandatory Representative (IPMR) sa Alegria diin gitudlo mismo sa anak sa biktima nga ang mga rebelding NPA maoy nipatay sa Datu. Apan sa pahayag ni Ka Oto, spokesman sa NPA nga mismo ang nangulo sa rally nga si Labao maoy nagpatay kang Tiambong tungod sa bangi sa yuta ug pag-ilogay sa posisyon sa IPMR ug walay kalabutan ang NPA. Sent from my Samsung Galaxy smartphone.
