Dismayado ang kadaghanan sa mga manan-away sa gipahigayong Ground Presentation sa tulo ka mga contingents sa Kaamulan Festival 2023 human nga wala nakasulod sa Capitol Grounds.
Kini human nga mi-implementar og lockdown ang Presidential Security Group (PSG) pasado alas 7:55 sa buntag adtong Sabado isip pagkontrolar sa bagang doot sa katawhan ilabi na pagsiguro sa kaluwasan sa VIP nga si Vice Presidente Inday Sara Duterte.
Klase-klaseng reaksyon ang migula ilabi na sa social media kinsa kasagaran kasuko, kapungot, ug pagkadismaya ang gipadangat gumikan sa maong kamanduan.
Gipasabot usab kini sa mga kapulisan ug sa maong security group nga kini gumikan lang sa pag-abot sa VIP ug kinahanglan gayud siguradohon ang kaluwasan niini.
Facebook Comments
