Sa interview sa RMN Malaybalay ngadto kang PMaj. Jiselle Longakit, Spokesperson sa PNP-Bukidnon, gibutyag niya nga walay natala nga mga insidente sa krimen o bisan-unsa man nga ikahulga sa seguridad sa katawhan maong generally-peaceful ang kasaulogan.
Aduna lang matud pay minor incident sama sa mga bata nga nawala sa ginikanan gumikan sa kadaghan sa tawo nga nanan-aw ilabi na sa Street Dancing ug Ground Presentation adtong Sabado ingon man sa Fireworks Display kagabie.
Wala ra usab matud pay insidente sa pagpanglabni, pagpanguot, ug pandunggab nga natala sa selebrasyon gawas nalang adtong Opening day nga insidente kung asa gikamatay sa usa ka menor de edad tungod sa dunggab.
Mapasalamaton karon ang PNP ilabi na sa kooperasyon sa katawhan hinungdan nga nagmalinawon ang selebrasyon.
Usa matud pa kini sa makonsiderang pinakamalinawon ingon man sa kadaghanon sa doot sa tawo nga manan-aw tungod sa tulo ka tuig nga wala nakaselebrar gumikan sa pandemya sa Covid-19.
