Malamposon an pinakaprimero na Surigao International DragonBoat Summer Festival na tagpahigajon sa may Surigao City Boulevard , Mayo 26,2018 , Sabado. Moabot sa 26 ka dragonboat teams gikan Malaysia, Canada, China,Hongkong,Luzon ,Visayas sanan Mindanao an mientra.Sa resulta nan tunga na adlaw na kompetisyon sa paglumba nan pagbugsay ,miguwa na mananaug o Champion sa 200M Mixed Small Crew Category Major finals, an KAMPILAN DRAGONBOAT TEAM nan Davao City na may premyo na P50,000, 1st runner Up an Bugsay Marajao nan Surigao City na midawat nan P40,000 na premyo ,2nd runner Up an FSUU Alumni nan Butuan City na may premyo na PP35,000, 3rd runner Up an Speed Devilz nan Luzon na may premyo na P30,000. Samtang miguwa na Champion sa 200m Standard Open Crew Category an BUGSAY MARAJAO nan Surigao City na may cash prize na P30,000,1st runner up an Sugbu Mighty Dragons nan Cebu City na may premyo na P20,000, 2nd runner Up an RCP Sea Dragons nan Luzon na nakaangkon nan P15,000, 3rd runner Up an Umago Black Manta nan Dumaguete na may P10,000 na premyo. Sa Small Mixed Crew Minor Finals, nahimong Champion an LEYTENOS DragonBoat Paddlers nan Tacloban City na may premyo na P25,000, 1st Runner Up an Dragon Knights nan Guang Zhou China na may premyo na P20,000, 2nd Runner Up an Rising Dragons nan Hongkong China na may premyo na P15,000, sanan 3rd Runner Up an BSU Draco Cancabato nan Tacloban City, na nakaangkon nan P10,000 na papremyo.
