Usa ka Sitio sa Brgy. Simbalan, Buenavista, Agusan del Norte nga kanhi nagsuporta sa rebelding kalihukan sa New Peoples’ Army (NPA) ang hiniusang nagsurender ngadto sa 23rd IB Phil. Army, kagahapon.
Gibutyag ni LTC Francisco Molina, battalion commander sa 23rd IB Phil. Army nga pulos Militia’ng Bayan (MB) ang naglusad ug mass surrender kagahapong adlawa dayon gisunod ang Peace Rally.
Gipakita sa mga katawhan ang ilang panaghiusa aron batokan ang rebelding NPA pinaagi sa pagpasar ug resolusyon sa Brgy. Council sa Simbalan, Buenavista, Agusan del Norte nga nagdeklara ug “persona non grata” sa NPA ug mga kaalyadong organisasyon niini.
Malaumon si LTC Molina nga masundan pa ug laing barangay sa lungsod sa Buenavista nga mobarug ug makigbatok sa rebelding NPA.
[image: MOLINA SIMBALAN.jpg]
