Nagapanugyan ang head sang Department of Social Services and Development (DSSD) sa ciudad sang Bacolod sa mga may edad na nga benepisyaryo sang Social Amelioration Program (SAP) nga indi na magpila para sa ayuda.
Ini ang panugyan ni Pacita Tero, matapos napatay ang 87-anyos nga si Aurelia Magbanua sang Purok Sabes, Barangay Villamonte samtang nagapila agud makakuha sang iya P6,000 nga ayuda kahapon. Suno kay Tero, may yara sang certified nga teller ang DSSD para sa home delivery sa mga benepisyaryo nga indi na makasarang magpila ilabi na ang mga senior citizen.
Kapin sa 35 ka certified teller para sa home delivery ang ginpalapta sang DSWD sa Villamonte kahapon, apang suno kay Tero wala nag-signify ang biktima agud nga idul-ong na lang ang ayuda sa iya balay.
Nahibaluan nga nagapungko ang biktima upod sa iya bata sang hinali lang ini nga nag uy-oy kag gindala pa ini sa pribado nga hospital apang ginbawian ini sang kabuhi.
Sa pihak nga bahin, ginpahayag ni Tero nga dapat may istratehiya ang mga barangay sa pagpanagtag sang SAP agud indi mag ginutok ang mga benepisyaryo. Ini ang kasunod sang pagginutok sang mga benepisyaryo sang SAP sa Brgy. Tangub subong nga adlaw.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
