Nalakip ang pangalan sa pipila ka media personalities sa updated nga narco-list sa Philippine Drug Enforcement Agency kon P-DEA.
Matud ni P-DEA Director General Aaron Aquino, nga lakip sa ilang bag-ong listahan ang pipila ka sakop sa media, hukom, government workers, elected government officials ug uban pa.
Tungod niini, midoble na ang ihap sa mga indibidwal nga anaa sa ilang narcolist gikan sa kanhi tres mil lamang.
Dugang pa ni General Aquino, nga ang updated narco-list resulta sa pipila ka bulan nga pagpaningkamot sa upat ka ahensya sa gobyerno nga i cross-check ug i-revalidate ang mga pangalan nga nalakip sa ilang listahan.
Tungod sa re-validation nga ilang gihimo, gibutyag usab ni Aquino nga midoble ang ihap sa mga magbabalaod, barangay ug ubang opisyal nga nalambigit sa illegal nga druga.
