Sobrang limang gatos ka mga mangroves seedlings ro igapananom it mga media sa Aklan sa pagahiwaton nga “KBP Broadcastreeing” sa Bakhawan Eco Park makaron nga Sabado.
Mag-eowas sa KBP accredited radio stations sa Aklan maabo man nga mga volunteers do maga-partisipar sa raya nga tree planting activity nga kauna-unahan nga pagahimuon it KBP-Aklan Chapter sa nasambit nga Eco Park.
Madumduman nga ko mga nagtaliwan nga tree planting ko KBP hay kaeabanan nga sa bukid gina hiwat do pagpananom ko puno pero makaron hay nagdesisyon do mga miyembro kara nga sa nasambit lang nga lugar magpananom eabi eon sa may long beach sa punta it Eco Park nga uwa pa haeos it mangrove.
Ro KBP accredited radio station sa Aklan hay gina eakipan it 9 ka mga radio station AM ag FM nga nahimtang sa banwa it Kalibo ag sa isla it Boracay.
Do Bakhawan Eco-Park hay 220-hectare mangrove forest nga makit-an sa New Buswang, Kalibo, Aklan ag daya nga mangrove reforestation project hay nag-umpisa ko 1990.
