Mga menor de edad kag mga senior citizens, makit-an sa gihapon nga yara sa guha sang mga poluy-an apisar nga naga-apekto ang Modified Enhanced Community Quarantine sa syudad sang Roxas!

10

Roxas City, Capiz – Makit-an sa gihapon nga yara sa guha sang mga poluy-an ang mga menor de edad kag mga senior citizens apisar nga naga-apekto ang Modified Enhanced Community Quarantine sa syudad sang Roxas! Ini ang ginkumpirmar mismo ni COVID-19 Command Center Executive Director Ronald Amigo. Ini ang base sa assessment kag feedbacking sang Regional Incident Monitoring Team ukon RIMT matapos ang ginpatigayon nga inspection sang nakaligad nga semana sa syudad sang Roxas. Suno pa kay Amigo may mga kabataan nga yara sa guha sang mga karsadahon kag mga senior citizens sa sulod sang mall. May kaangut sini, liwat niya nga ginpunto nga ang kadalag-an sang resulta sang MECQ sa subong ang nakadepende sa kooperasyon sang mga pumuluyo kon paano nila ginasunod sang insakto ang mga minimum health standards./ Sa pihak nga bahin, mismo si DILG Secretary Eduardo Año ang una na nga nagpaguha sang memorandum circular nga dapat hugot nga bawalan sang mga barangay officials ang mass gatherings sa ila tagsa ka mga nasakopan. Mahimu nga mangin liable man ang mga ini pananglitan nga mapamatud-an nga ginatugutan sang mga ini ang mass gathering subong nga yara sa MECQ ang syudad sang Roxas.
photo(c)- Upod Kita Ronnie Dadivas FB Page

Facebook Comments