By: Joanna Ricote
Balik na sa ilang mga panimalay ang mga mihiklang kagahapon gumikan sa paghapak ni tropic depression Agaton sa lungsod sa Cagayan de Oro.
Matud ni Ret. Col. Mario Verner Monsanto ang overseer sa City Disaster Risk Reduction and Management Council, nga walay gibaha nga mga panimalay sa lungsod apan adunay mga mibakwit sa ilang mga balay kagabie gumikan sa kabalaka nga masubli ang nahitabong pagbaha dihang mihapak si bagyong vinta sa lungsod niadtong December 23, 2017.
Nasayran nga adunay mga mibakwit sa Cugman ug Puerto Elementary School ug West City Central School, apan karong buntag mibalik na kini sa ilang mga panimalay gumikan kay ugmang adlawa, gamiton na ang mga classroom alang sa pagbalik sa eskwela.
Luyo niini, mapasalamaton ang maong ahensya ngadto sa katawhan gumikan kay mas alerto kini karon kung itandi niadtong mga nanlabay nga bagyo.
Dugang pa ang gipahigayon nga simultaneous broadcast sa mga radio stations dinhi sa lungsod, aron nga daling mapahibalo ang katawhan sa update sa maong kadaot sa panahon.
