Gikatakdang maglunsad sa Ocular Inspection ang mga miyembro sa Joint House Committee on Ecology ug Good governance sa house of Representative mga ala una ang takna unyang hapon.
Kini aron ilang susihon ang mga basura nga gikan sa South Korea nga gitambak sa sitio Sta. Cruz, Tagoloan, Misamis Oriental.
Ang maong Ocular Inspection, mao ang tipik sa investigation sa kongreso human si Misamis Oriental 2nd District Congresswoman Juliet Uy ang mipasakag resolution sa ubos balay balaoranan ug nangayog imbistigasyon sa tumong nga mahukasan sa maskara ang mga officials sa gobyerno nga naghatag panugot sa Verde Soko Philippines, Inc. nga magdala sa toni-toniladang basura dinhi sa Misamis Oriental gikan sa South Korea.
Matud ni Congresswoman Uy nga manubag ang mga opisyal sa gobyerno sa ilang paghatag panugot sa Verde Soko nga nagdala sa mga basura sa Misamis Oriental nga walay panugot gikan sa kagamhanan.
