Apat ka mga na-close contact sang IT personnel sang Corazon Locsin Montelibano Memorial Regional Hospital nga nag-positibo sa coronavirus ang iga-swab test subong nga adlaw sa Brgy. 18, Bacolod City.
Sa interview sang DYHB kay Punong Barangay Madeline Diaz sang Brgy. 18, ginpahayag sini nga ang apat amo ang naga-istar sa boarding house sa diin nagadayon man ang IT personnel nga gin-swab test sang Agosto 7. May angut diri, gin-lockdown na ang boarding house kag lakip na ang 10 ka kaingod sini sa diin kapin sa 86 ka mga indibidwal ang apektado.
Nagalain lamang ang buot ni Diaz bangud nga nakapa-swab test na ang pasyente, naguwa pa ini sa iya boarding house kag nagbakal pa sang pagkaon antis nahibaluan nga positibo ini sa virus.
Ginkumpirmar man ni Diaz nga nagligad lang nga Hunyo nag-board ang pasyente sa ila barangay kag ang asawa sini nga isa man ka nurse ang nag-positibo man sa coronavirus.Samtang, ginkumpirmar ni Diaz nga nagpangayo sa iya sang pasaylo ang IT personnel kasunod sang insidente.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
