Mga na-stranded na pasahero sa Surigao City nakabiyahe na
Naka-biyahe na an moabot sa 218 ka mga pasahero ug 6 ka bus sa Lipata Port lakip an 91 ka pasahero sa PPA Base Port sa Bilang-Bilang, Surigao City, ini human na tagtugutan na sa kadagkuan sa Phil. Ports Authority an paglawig sa kadagatan.
Sumaya pa ni Master Sgt. Romelito Lomat nan Phil. Coastguard Surigao del Norte, human na tagwaya na an Signal No. 1 sa bagyong Agaton sa siyudad, ila na tagtugutan na makabiyahe an tanan sakyanang pandagat pasingod sa Cebu, Southern Leyte, Siargao ug Dinagat Province.
Gumikan sa bagyong Agaton an pipila ka oras na natanggong an mga pasahero sa lain-laing pantalan. May pipila isab ka lugar na tagpatuman an Force Evacuation gumikan sa peligro sa landslide ug pagbaha pareho sa Sitio Giso, Brgy. Capalayan ug Upper Bonotan, Brgy. Washington na temporaryo na nobakwit sa lain-laing mga evacuation centers sa barangay, hinoon kaganinang buntag an nakauli ra ini ngadto sa tagsa-tagsa ka panimayay.
