Nagpasalamat ang grupo nanday Jancen Pareño matapos nga ginsugat na sila sang barko sini nga udto sa Tabuelan port, Cebu agud makabalik na sila dire sa probinsya sang Negros Occidental.
Kahapon sa interview sang DYHB kay Pareño upod sa 63 ka mga kaupdanan nga nagatrabaho sa JPark Hotel ang nagpangayo sang bulig sa provincial government agud makapauli bangud sang tuman nga kabudlayan nga ila naagum sa pier.
Nakalab-ot ang pagpangayo sang bulig ni Pareño sa DYHB bangud man sa pagpanikasog sang Tau Gamma Phi Fraternity, Bacolod Chapter paagi kay Joel Mark Lemoncito kag Karel Norf Gumban.
Suno kay Lemoncito nga nabalaka sila sa mga na stranded tungod sang ka pi-ot sang ila kahimtangan nga kun inde sila magmasakit sang Covid-19, mahimo sila nga magmasakit sang iban nga sahi sang balatian tungod inde sila makapahuway sang maayo.
Ang 64 ka mga LSI halin sa Cebu ang ipaidalum sa swab test kag 14-day mandatory quarantine sa Bacolod City National High School.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
