Alabel, Sarangani Province–Gikumpirma ni Vincent Areston Lim, ang Operation and Warning Chief sa MDRRMO Alabel nga ila nang giatiman ang mga naapektuhan sa baha sa upat ka mga barangay sa lungsod sa Alabel.
Base sa ilang datus mokabat sa 700 ka mga indibidwal ang apektado sa maong pagbaha ug mukabat sa 15 ka mga panimalay ang gibanlas sa kusog nga bul-og sa tubig sa may Purok 7 ug Purok Masagana nga sakop sa Barangay , Poblacion, Alabel.
Apil usab sa apektadong Barangay mao ang Barangay Spring, Bagakay, ug Barangay Ladol.
Sa karon wala pa masuta kung pila ang kinatibuk-ang damyos sa pag-igo sa baha sa maong lugar. kini ang pahayag ni Lim, sumala pa nga sa karon ila pa kining ginasuta.
Samtang gikumpirma niini nga walay gihikling nga mga residente sa lugar, sanglit anaa lamang sila nagpabilin sa ilang area samtang ang uban temporaryo unang nagpuyo sa ilang mga paryente.
Gikumperma usab ni Lim nga naghatag na ug paunang tabang ang lokal nga panggamhanan sa Alabel ngadto na sa mga apektadong pamilya.
