Nagalab-ot sa 4,221 ang mga nag-apply para sa Special Program for Employment of Students ukon SPES sang provincial government nga halin sa napulo ka mga banwa sang probinsya kag syudad sang Koronadal base sa datos sang Philippine Employment Service Unit sang South Cotabato.
Madamo naman sang mga nag-apply ang halin sa syudad sang Koronadal nga may 1,253 ka mga aplikante, Polomolok – 369, Tupi -176, Tampakan -221, Tantangan – 198, Banga- 369, Surallah – 347, Sto. Nino –328, Norala -418, T`boli – 240 kag Lake Sebu – 302.
Suno kay PESU Officer Flora Cavan ini sila tanan ang kwalipikado na kag malakip sa draw lots nga amo ang proseso sa pagpili sang mga SPES beneficiaries sang provincial government para subong nga summer.
Ginkumpirmar man ni Cavan nga ang problema nga naecounter nila sa SPES application subong nga tuig ang tuman pa kaaga nga pagpadulong sa gihapon sang mga aplikante bisan nga wala na nila ginlimitahan ang paghatag sang application forms.
Nahibaluan nga nag-umpisa ang SPES application sang Enero 28 kag natapos sang Pebrero 13 subong nga tuig.
