General Santos City–Giangkon ni Apopong kapitan Paulo Natividad nga siya nasubo sa nahitabong demolisyon sa may Marcos, Barangay Apopong Gensan kagahapon sa buntag.
Sumala sa opisyal nga nag pagawas ug demolition order ang korte ngadto sa mga nag pwesto sa pipila ka ektaryang luna sa maong lugar.
Nasayran nga kagahapong adlawa adunay nahitabong tension tali sa mga nagposisyon ug may pwesto sa marcus talipapa ug sa demolition team tungod unang mibalibad ang mga nasangpit nga mupahawa sa lugar.
Dugang pagbutyag ni Natividad nga usa ka Nora Poral, nanag-iya sa maong luna maoy nagpasang-at ug reklamo sa korte. forcible entry ang iyang gisang-at ngadto sa mga nasangpit.
Nasayran nga Hulyo unang nigawas ang demolition order apan kini nadilatar human nga nagpahigayon pa sila ug pre-demolition conference. Ning bulan sa Nobyembre subling migawas ang kamanduan mao nga kini gipatuman.
Samtang gipaniguro usab ni kapitan Natibidad nga adunay ihatag nga tabang ang barangay ngadto sa mga naapektuhan sa Demolition.
