Mga nagduso og COC sa COMELEC, menos na

Davao City- Mas menos na ang Aspirant Candidate nga nagduso sa ilang Certificate of Candidacy sa buhatan sa Commission on Election karong adlawa.

Matod ni COMELEC XI Assistant Regional Director Attorney Gay Enumerables nga gamay nalang ang nag – sumite sa ilang COC sukad ganinang buntag ug hangtod karong taknaa.

Apan sa obserbasyon sa Elect Staff sa First District Comelec nga sagad sa mga nagpasa og COC ning katapusang adlaw sa filing mao ang mga managan sa Sangguniang Kabataan ug talagsa nalang ang mga magpapili sa pagka-Kapitan ug Kagawad.

Hingpit tik-upan ang filing of COC karong 5:00 sa hapon, apan padayon akomodahon ang mga aspirant nga makaabot sa COMELEC una mag-5:00 sa hapon.

Subay sa inisyal nga talaan, mukabat na sa 1,465 ka mga kandidato sa Second District, sa 3rd District muabot sa 2,687 ka kandidato, ug sa First District 2,101 ka kandidato.

Samtang ang pinal nga ihap sa opisyal nga mga kandidato alang sa BSKE 2023 unyang gabii pa ipagawas sa COMELEC Davao City.

RadyoMaN Joel Viray