Tag-angkon nan Fire Investigator na si SF01 Nicanor Porpayas na duha ka panimayay an naugdaw sa may Purok Matinabangon, Brgy. Taft, Surigao City lakip na may laing duha pa an partially damage na mtiumaw mga alas 4:00 kahapon nan hapon. Tagtudlo na an sunog nagsumikad sa panimayay ni Virgilio Gascon na miabot an kayajo hangtud sa panimayay ni Gonzalo Cabajes. An laing partially damage sa panghitabo, mga panimayay nila ni Eusdado Manansala ug Feliciana Busa. Bana-bana na danyos an P400,000, hinungdan an pagduwa nan lighter sa duha ka bata samtang nahikatuyog an mga hingkod an pangidaron. An lain sunog pa mitumaw kahapon pasado alas 6:00 gabii, an nag-parking na motorsiklo na kalit na midilaab sa may Magallanes St., hinoon waya pa matumbok kon sin-o an tag-ija.
