Ginaekspektar ni South Cotabato Governor Reynaldo Tamayo Jr. nga bag-o mag-abot ang bulan sang Hunyo sa masunod nga tuig magalab-ot sa masobra isa ka gatos nga mga miyembro sang New People’s Army ukon NPA ang magasurender dire sa probinsya.
Ini matapos nga nagalab-ot na sa 55 ka mga miyembro sang NPA ang nagsurender halin sang bulan sang Hulyo sa diin ang ulihi ang sang nagligad nga semana kag subong nga semana ginalauman niya nga may-yara pa sang trese tubtob kinse ang magasurender.
Nagapati man ang gobernador nga ang seryoso nga pagpatuman sang programa kag pagsalig sang mga miyembro sang NPA sa provincial government ang rason kon ngaa dire sila sa probinsya sang South Cotabato nagasurender matapos nga ang iban ang halin pa sa iban nga probinsya.
Samtang ginkumpirmar man ni Governor Tamayo nga sa 55 ka mga nagsurender wala sang bisan isa nga nagbalik sa nasambit nga rebelde nga grupo tungod nahatagan naman ang mga ini sang livelihood assistance.
