Mga nagtinda nan pabuto sa Surigao City Boulevard naglaum na mahalin na an ila tinda sa pagsugat sa Bag-ong Tuig Naglaum an mga nagtinda nan mga pabuto ug pyrotechnic materials sa Surigao City Boulevard na mahalin na an ila tinda sa pagsugat sa Bag-ong Tuig. Sumaya pa ni Aga Manangkiran, an Presidente nan Surigao Muslim Association sugod adton Disyembre 23 sa ila pagsugod sa pag-display ug pagtinda nan pabuto, menos an ila halin, posibleng rason an kadugay nila sa pagsugod sa pag-display lakip an sige uyan-uyan ug an pagsunod sa City Ordinance nan mga Surigaonon na an lugar na taglatid na magpabuto didto ra sa City Boulevard. Dugang pa ni Manangkiran, sija naglaum na sa pag-abot sa Disyembre 31 sa katapusan nila na pag-display ug pagbaligya sa pabuto, mas modagsang na an mamalitay labi na kay nahadlok sila na sunod tuig 2018 basin ipatuman an Ban o pagdili na sa mga pabuto.
