Pagadian City – Hingpit nang giturn-over ngadto sa buhatan sa Philippine Coast Guard (PCG) Zamboanga del Sur ang mga nahipos nga hinabang sa RMN-DXPR Pagadian ug RMN Foundation gikan sa tigpaminaw nga dunay malumong pagbati alang sa mga nabiktima sa kalamidad.
Kagahapon gidawat ni PCG Zamboanga del Sur chief Lt. Commander Paul Ryan Gonzales ang mga nakolekta nga hinabang nga gilangkuban sa de lata nga pagkaon, tubig, noodles, bugas ug uban pa. Gibana-bana nga mokantidad sa 50, 000 ang nahishutan nga mga hinabang nga gikatakdang dalhon sa Bicol ug Cagayan Valley nga maong grabeng naapektohan sa bagyong Ullyses ug Rolly. Nitunol usab sa iyang pagpasalamat ang PCG ngadto sa mga tigpaminaw sa DXPR nga nisanong sa panawagan nga motunol og ayuda ngadto sa mga naigo sa kalamidad.
