General Santos City–Gikabutyag ni Police Captain Romeo Albano Jr. ang labaw sa Tantangan, Municipal Police Station, nga ang mga supek nga ilang nadakpan sa buy-bust operation gikan matud pa kini sa syudad sa Koronadal ug midayo lang kini sa Tantangan aron sa pagpamaligya ug ginadiling droga
Kahibaloan nga una nang nasikop sa operasyon si Karl Sillo, 26 anyos, nga sumala pa nga nagapamaligya ug marijuana samtang ikaduhang nasikop si Jayson Cainglet nga susamang namaligya usab ug marijuana sa lugar samtang paspas man usab nakasibat ang usa ka suspek nga si Marvin Libaquin sakay sa iyang motorsiklo
Saysay ni Albano nga nagpadayon ang ilahang hugot nga kampanya batok iligal nga droga sa ilang AOR aron mapakgang ug madakpan kadtong mga tawo nga padayon lamang gihapon nga gapamaligya ug nagapayuhot niini.
Ang mga suspek sumala pa pulos kini mga bag-ohan nga misulod sa area sa Tantangan aron lamang mamaligya ug ginadiling droga.
Samtang gipaklaro usab sa opisyal nga ilaha ng giandam ang kasong atubangon sa tulo ka suspek sa kalapasan sa section 5 sa RA 9165 kon Comprehensive Dangerous Drugs Act Of 2002
Sa kasamtangan nagtingkagol ang duha ka suspek sa selda sa Tantangan Police Station samtang ang suspek nga nakasibat padayon ng gipangita sa kapulisan. (Reynald Timario)
