General Santos City–Mokabat na sa 600 thousand pesos ang nakolekta sa City Treasurer’s Office gikan sa gatusan ka mga indibidwal nga nakadawat ug pinansyal nga ayuda sa social Amelioration Program kon (SAP).
Segun ni Rodilon Lacap, labaw sa City Treasurers Office nga sagad matud pa sa mga nag-uli sa kwarta mao kadtong mga personahe nga nakadawat ug ayuda apan dili kwalipikado gumikan adunay mga trabaho, samtang ang uban, adunay miyembro sa pamilya nga nagtrabaho sa gobyerno samtang aduna usab uban nga may ginadawatan nga pension ug miyembro sa 4p’s.
Dugang pa ni Lacap nga ang mga nag-uli sa ilahang mga kwarta ang mahatagan matud pa ug resibo nga nagapamatuod nga ilang gi-uli ang kwarta aron nga aduna silay mapakita higayon nga magpahigayon ug imbistigasyon.
Samtang gikabutyag pa ni Lacap nga ang mga gi-uli nga kwarta ang dili na nila ibalik sa National nga Pangamhanan sanglit ipanghatag nila kini sa mga pamilyang kwalipikado nga wala nalakip sa master-list sa makadawat ug SAP.
Giklaro usab niini nga aduna gihapoy buhaton nga validation sa pag pili sa mga makadawat sa SAP pinaagi sa barangay official, CSWDO ug DSWD.(CDS)
