*Mga negosyante sa isda ug iban na marine products ug personahe sa Surigao City Public Market nagka-initay, pipila na waya mosunod sa price ceiling waya patindaha*
* Nagka-initay an mga negosyante sa isda ug iban na marine products sanan mga personahe sa Surigao City Public Market kuman na buntag, ini human na nakit-an na may pipila ka baligya na pasayan, lokon ug alimango an waya mosunod sa City Ordinance sa pagpatuman sa price ceiling. Ini pinaagi sa pagpanhingusog nan Market Supervisor Albert Lustiva ug Market Inspector Eddie Sequihod.*
* Waya na ipa-display ug ipabaligya an mga pasayan na miabot sa tag-P400 an kada kilo na sa price ceiling P350 ra unta kada kilo. Lakip isab an alimango na miabot sa P600 an kada kilo na unta an sakto tag-P400 ra, lakip isab an lokon na miabot sa P500 na unta tag-P400 ra kada kilo.*
* Tagpaklaro ni Lustiva ug Sequihod na istirkto nila ipatuman an City Ordinance sa price ceiling bisan kon 2012 pa ini tagpasar samtang waya pay amendasyon na taghimo an mga sakop sa Sangguniang Panlungsod. *
