Padayon hangtod karong adlawa, Enero 20 ang paglukat ug pag-renew sa business permit.
Sa interview sa RMN Malaybalay ngadto kang Malaybalay City Licensing Officer Arthuro Bebot Callao, sa Business Permit and Licensing Division gibutyag niini nga deadline karong adlawa apan magpadayon kini hangtod sa Enero 31.
Matud ni Callao nga karong Enero 22 hangtod Enero 24 ning tuiga adunay business one stop shop kon BOSS nga ilang himoon sa Linabo Barangay Covered Court alang kini sa mga negosyante sa Basakan District.
Samtang sa Enero 27 hangtod 30 ang BOSS didto na usab sa Upper Pulangi Cluster alang sa 8 ka mga barangay sa mao nga cluter.
Dugang ni Callao sa mga bag-ong aplikante sa business permit apil sa mga rekisitos ang Barangay Clearance, Initial capital investment, building and occupancy permit ug proof of billing sa kuryente o tubig.
Samtang sa renewal duha lang sa requirements ang gikinahanglan nga mao ang barangay clearance ug ang income tax return sa BIR sa tuig 2018.
Gisiguro niini nga dali ra kaayo ang proseso tungod kay electronic signature na ang ilang gamit automatiko na ang pag-release sa business permit.
