Mobalik na sa pag-operate sa iyang negosyo ang lima ka mga establismento nga gipanag-iyahan ni Ubaldo Daquipil dinhi sa dakbayan sa Butuan nga una nang gipasirado sa Bureau of Internal Revenue (BIR) tungod sa “under-declaration” nga 30% sa ilang kita.Gikompirma ni Revenue District Officer Lordel Monteclaro nga nakabayad na sa gitakdang buhis ang negosyanting si Daquipil alang sa Chiba Furniture Export Component (main Office) ug Chiba Furniture Export Component (lumber production) main office nga nahimutang sa Km8, brgy. Ampayon ning syudad sa Butuan, UDD Construction and General Merchandise ug Dubert Trucking Services nga nahimutang sa P-4, brgy. Lower Doongan, ning syudad sa Butuan.Dugang pa ni RDO Monteclaro nga daghan pang mga establismento dinhi sa dakbayan sa Butuan ang gipaubos karon sa surveillance aron masuta kung nagbayad ba kini sa tinoud nga buhisan.Sent from my Samsung Galaxy smartphone.
