MGA NOBAKWIT NA PAMILYA GIKAN SA MARAWI CITY NOULI NA SA ILA LUGAR MATUD SA PRESIDENTE SA SURIGAO MUSLIM ASSOCIATION

MGA NOBAKWIT NA PAMILYA GIKAN SA MARAWI CITY NOULI NA SA ILA LUGAR MATUD SA PRESIDENTE SA SURIGAO MUSLIM ASSOCIATION
Human an pipila ka buyan na pag-istar ug pagbakwit diri sa Surigao City, nouli na balik ngadto sa Marawi City an kapin 70 kabuok pamilya. Ini an kusganong tagbutyag ni Aga Manangkiran, an Presidente nan Surigao Muslim Association.
Tagtudlo niini, human an paghatag nan pagtugot sa mga otoridad sa Marawi na makauli na balik an mga nobakwit na pamilya, nag-desisyon an mga ini na mobiyahe pabalik sa ila kaugalingong lugar labi na adton may mga balikan pa na mga panimayay. Hinoon an mga guba na an mga panimayay sa Marawi an nagpabilin na lamang diri sa Surigao City pinaagi sa pagpadajon sa ila panginabuhi sa pagtinda.
Dugang pa ni Manangkiran, an kada pamilya na mouli balik sa Marawi City an taghatagan nila nan sertipikasyon na tag-refer sa kadagkuan sa City Social Welfare and Dev’t. para mahatagan nan pamasahe.