GENERAL SANTOS CITY- Gikumperma sa pro-12 nga usa sa rason nganong lisod pangdakpon ang mga notadong wanted persons nga patong-patong na ang mga bug-at nga kaso, tungod kini sa pagsulod niini sa mga armado og teroristang grupo.
Kini base sa nahimong intel monitoring sa kapulisan sa rehiyon. Sumala pa ni P/Lt Col Aldrin Gonzales, tigpamaba sa pro-12, nga subay sa ilahang monitoring, kadaghanan sa mga wanted person sa rehiyon nga adunay bug-at nga kaso ang nahilambigit o konektado sa mga armadong grupo sa mindanao.
Dugang niini nga lisod pangdakpon ang ingani klase nga mga wanted mahitungod sa koneksyon niini sa mga armadong grupo ingon man sa lugar niini nga balwarte usab sa mga nahisgutan. Apan wala matud pay puas ang ilahang pagplano aron nga madakpan og masilotan na gayud ang mga nasampit nga kriminal.
Sa karon, gikumperma ni gonzales nga nakab-ot nila ang target sa mga madakpan nilang wanted persons sa rehiyon dose.
For more info’s and updates, like and share our official facebook account : www.facebook.com/ifm91.9Gensanofficial/
[image: wanted person.jpg]
